کوٹلی(نمائندہ النور نیوز شانواز چوہدری سے )03مئی2020ء آزاد جموں و کشمیرکے وزیرمال سردار فاروق سکندر خان نے لائن آف کنٹرول پر شہری آبادی پر بھارتی فوج کی بلااشتعال فائرنگ کے واقع کی شدید مذمت کی ہے وزیر مال سردار فاروق سکندر خان نے بھارتی فوج کی بلااشتعال فائرنگ سے نکیال سیکٹر کے گاوں موہڑہ دہروتی میں زخمی ہونیوالے43سالہ محمد سرفراز ولد فیض محمد کی جلد صحت یابی کیلئے دعا کی۔ وزیر مال سردار فاروق سکندر خان کا کہنا تھا کہ اس وقت پوری دنیا کورونا وباء سے نمٹنے کیلئے یکسو ہے جبکہ متعصب مودی سرکار خطے میں امن کو نقصان پہنچانے کے درپے ہے۔ بھارت شہری آبادی کو نشانہ بنا کر عالمی قوانین اور انسانی حقوق کی دھجیاں اڑا رہا ہے شہری آبادی کو نشانہ بنانا بھارتی فوج کا انتہائی بزدلانہ اور قابل مذمت فعل ہے وزیر مال نے زخمی کے علاج معالجے کے لیے ہرطرح کی سہولیات فراہم کرنے بارے محکمہ صحت کے ذمہ داران کو ضروری ہدایات بھی جاری کی۔