زاپوریژیا کے گورنر کے مطابق روسی حملوں میں چھ افراد ہلاک اور 19 زخمی ہوئے۔ گورنر ایوان فیدوروف نے بتایا کہ حملوں میں راکٹ اور گائیڈڈ میزائل استعمال کیے گئے۔
کیئو کے میئر وٹالی کلِچکو نے دارالحکومت میں دھماکوں کی اطلاع دیتے ہوئے کہا کہ پیر کی رات شہر کو ’بیلسٹک میزائلوں‘ سے کا نشانہ بنایا گیا۔ یوکرین کی ایمرجنسی سروس کے مطابق ایک گودام میں آگ لگ گئی جبکہ ایک شخص زخمی ہوا۔
مشرقی علاقے دنیپروپیٹروفسک میں بھی روسی ڈرون اور توپ خانے کے حملوں کے نتیجے میں تین افراد ہلاک اور پانچ زخمی ہوئے۔ علاقائی فوجی انتظامیہ کے سربراہ اولیکساندر گانژا نے سوشل میڈیا پلیٹ فارم ٹیلی گرام پر اس کی تصدیق کی۔
