وزیراعظم آزاد حکومت ریاست جموں و کشمیر فیصل ممتاز راٹھور سے شہید محترمہ بینظیر بھٹو کی سابق پولیٹیکل ایڈوائزر **شیخ ارشد برقی**، سینئر صحافی و کالم نگار **راجہ حبیب اللّٰہ خان**، پاکستان پیپلز پارٹی کی سینٹرل ایگزیکٹو کمیٹی کے رکن سید سعادت حسین شاہ، ڈاکٹر آصف خٹک اور بیرسٹر ذیشا برقی نے ملاقات کی۔ یہ ملاقات نہایت خوشگوار اور دوستانہ ماحول میں ہوئی۔
ملاقات کے دوران باہمی دلچسپی کے امور، آزاد کشمیر کی مجموعی سیاسی صورتحال، عوامی فلاح و بہبود اور خطے کی ترقی سے متعلق امور پر تفصیلی تبادلہ خیال کیا گیا۔ وفد نے وزیراعظم آزاد کشمیر کی قیادت اور ان کے ترقیاتی وژن کو سراہا۔
اس موقع پر وزیر حکومت چوہدری رفیق نیئر اور سابق صدر آزاد جموں و کشمیر چیمبر آف کامرس اینڈ انڈسٹری فیصل منظور بھی موجود تھے۔
ملاقات کے اختتام پر وزیراعظم آزاد کشمیر فیصل ممتاز راٹھور نے مہمانوں کا شکریہ ادا کیا اور مستقبل میں باہمی روابط اور مشاورت کو مزید فروغ دینے کے عزم کا اظہار کیا۔
