پاکستان پیپلز پارٹی کے چیئرمین بلاول بھٹو زرداری نے اعلان کیا ہے کہ چوہدری انوارالحق کو وزارتِ عظمیٰ سے ہٹانے کے لیے 40 ارکانِ اسمبلی متفق ہو چکے ہیں۔
بلاول بھٹو زرداری نے کہا کہ نئے قائدِ ایوان کا نام عدم اعتماد کی تحریک جمع کراتے وقت سامنے لایا جائے گا۔
انہوں نے مزید کہا کہ آزاد کشمیر میں پیپلز پارٹی کی حکومت قائم کریں گے۔
زرداری ہاؤس اسلام آباد میں منعقدہ پیپلز پارٹی آزاد جموں و کشمیر کی پارلیمانی پارٹی کے اہم اجلاس کی صدارت چیئرمین بلاول بھٹو زرداری نے خود کی۔
اجلاس میں آزاد کشمیر کی موجودہ سیاسی صورتحال، عوامی مسائل، اور تنظیمی امور پر تفصیلی مشاورت کی گئی۔
اجلاس میں فریال تالپور، سابق وزیراعظم راجہ پرویز اشرف، چوہدری محمد یاسین، سردار یعقوب خان، چوہدری لطیف اکبر، فیصل راٹھور اور دیگر رہنماؤں نے شرکت کی۔
